عرّف ببلادك على طريق وكيبيديا

IMG_1320

البارح في دار بنقاسم كان معانا سي منير الهنتاتي، مدير مركز الموسيقى العربيّة و المتوسطيّة “قصر نجمة الزهراء”، آندي مابت من وكيبيديا بريطانيا، جمال سعيدان و ريم عزيب من جمعيّة قرطاجينة إلّي تنجّمو تتبعوها على الفيسبوك و تويتر

مبعّد ما عدّا أعوام وهو يكتب في مقالات على وكيبيديا، قرر آندي في 2011  باش يولّي
معناها ممثّل لوكيبيديا، و ولّا يتعامل مع المؤسّسات و المتاحف خاصّة باش Wiki resident
يكتبو مقالات على الموقع و يحكيو على الآثار و اللّوحات إلي عندهم. ينجّمو هوما بيدهم يكتبو المقالات هذه و ياخذو التّصاور ولّا يعمّلو على متطوعين باش يحقّقوا الفكرة هذه

على فكرة، بخلاف نشاطها العادي، تخدم جمعيّة قرطاجينة مع مجموعة وكيميديا في تونس، و نظّمو مسابقة “ويكي تهوى المعالم” في شهر سبتمبر 2014 مع جمعيّة الثّقافة  الرّقميّة  الحرّة و مجموعة وكيميديا إلّي تشجع المغرومين بالآثار و التّاريخ باش يصوّروا البنيات القديمة و يهبّطو التّصاور على وكيبيديا
معناها أيّ واحد عنده الحقّ يستعملها مجّاناCreative Common بالطّبيعة التّصاور هذه

من ناحية أخرى، حكى آندي على تجارب واقعيّة تعدّى بيها. مثلا في مدينة صغيرة في بلاد الغال، قابل آندي الجمعيّات المحليّة و طلب من كلّ وحدة باش تكتب مقال على النّشاط متاعها في المدينة. ماخيرش من النّاس المحلّيين باش يحكيو على مدينتهم، أمّا زيد على هذا لازم المقال يرتكز على مراجع موثوق منها باش يكون عنده مصداقية

بخلاف، حكى زادا على تجربتو مع الأرشيف الوطني الأمريكي إلّي من الأوّل كان معارض فكرة نشر الوثائق متاعو على وكيبيديا أمّا مبعّد لاحظ إلّي عدد العباد إلّي يشوفو الوثائق على الوكيبيديا 3 مرّات أكبر من عدد إلّي يمشيو يشوفوهم على موقع الأرشيف

الحاصل، هذه فكرة صغيرة على القعدة في دار بنقاسم البارح الصباح. إذا كنتو تحبّو تكتبو مقالات باش تعرّفو الناس على أسرار جهتكم، تنجّمو تتّصلو بجمعيّة قرطاجينة ولّا تبعو أخبار المؤتمر العربي الأول لمشاريع وكيميديا إلّي باش يصير في المنستير نهارات 3،4 و 5 أفريل2015

Advertisements

One thought on “عرّف ببلادك على طريق وكيبيديا”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s